Ný myndavél = nýjar myndir
Speedo fyrir ungbarnasundið, hlunkurinn verður nú að lúkka...
í að við komum heim. Arnór sefur enn, ég vaknaði við það í morgun (kl 5:30) að það var lítill ormur að toga í hárið á mér og heimta brjóst. Hann nennti síðan ekkert að fara að sofa aftur og hélt áfram að toga í hárið á mér (afar hressandi svona snemma á morgnana). Hann sofnaði loksins klukkutíma seinna eftir að ég var búinn að skorða hann vel upp við mig og með hendina utan um hann svo hann gæti ekki snúið sér eða náð í hárið á mér, stuð hjá okkur.
Er að gera albúm fyrir Arnór og það er ótrúlega mikil föndurvinna. Ég prenta líka út gömul blogg og komment og lími inn á milli mynda. Mjög áhugaverð lesning og gaman að skoða bumbumyndir og myndir af honum "litlum"
nýfæddur
Orðinn algjör grallari og situr aldrei kyrr. Rúllar sér út af leikteppinu og vaknar oft þveröfugur í rúminu sínu. Elskar að rífa í hárið á mömmu sinni, ótrúlega skemmtileg uppfinning. Reynir líka að ná í allt sem er nálægt, greip t.d í körfuna hjá einni konu út í búð í dag og var ekki á því að sleppa. Enda heldur hann fast þegar hann nær í eitthvað, sérstaklega ef við reynum að ná því af honum.
Hjálpa pabba sínum að ganga frá þvotti. Ótrúlega spennandi pokar og allt sem skrjáfar í. Honum finnst líka mjög gaman að klóra í allskonar hluti með mismunandi áferð, eins og sófann og plast.
Pakka fyrir Berlínarferð.
Að slappa af með pabba.
verð að viðurkenna það að það eru dálítið blendnar tilfinningar hjá mér að vera að flytja heim. Hlakka auðvitað ótrúlega til að hitta alla, fjölskyldu og vini. En á móti kemur að við erum ekki með stað að búa á ennþá og ég nenni ekki að finna mér vinnu fyrr en ég veit hvar við ætlum að búa. Ég er í fæðingarorlofi til 21 des og Gerorg tekur þá við. Ég veit að það er lengri tími en margir aðrir hafa en mig langar ekkert að fara frá Arnóri strax. Vildi helst að ég gæti verið með honum og haft hann á brjósti til a.m.k 9 mánaða...en....Finnst líka óþolandi að vita ekkert og geta ekkert gert í íbúðar- og vinnumálum. Finnst einhvern veginn ekkert spennandi til sölu og leggjum ekki í það að kaupa í gegnum netið. Ég veit alveg að þetta reddast alveg. Væri bara til í að hafa aðeins lengri tíma, geta verið með Arnóri lengur og ekki vera að vesenast í íbúðarmálum, finna nýja vinnu og fara frá honum og hætta með hann á brjósti allt í einu :(
frá Berlín. Það var ótrúlega gaman hjá okkur. Vorum hjá Tótu (systir hans Georgs) og fjölskyldu. Arnóri var mjög ánægður með alla og sérstaklega Lenu og Örnólf. Hann vakti öll kvöld til miðnættis í svaka stuði að spila matador og kúra hjá frænda fyrir framan sjónvarpið. Við skoðuðum allskonar, múrinn, markaði og bókabrennutorgið, fengum okkur Döner og indverskan mat í boði tengdó. Spiluðum alveg fullt og héldum Hrekkjavökupartý í búningum, Georg var kúbverji og ég var spákona allt sérstaklega hannað og skipulagt af Örnólfi.Enn og aftur takk fyrir okkur!!
