very handsome.....

Bara smá mynd ef þig eruð búin að gleyma hvað við erum ákaflega vel heppnað og fagurt par.....góð gen, hvað getur maður sagt!

Jább, við virðumst alltaf myndast jafn vel (hóst hóst.....)

Takið eftir nýju klippingunni.

Erum annars á leiðinni í hópferð í Ikea, að kaupa dósaopnara og eldfast mót og fleira dót sem "fullorðið" fólk þarf að eiga.

Bless

Kan du gætte hvem jeg er?

Georg er núna í öskudagspartýi á leikskólanum sem hann er að vinna sem vikar á. Ég var búin að koma með fullt af frábærum hugmyndum að búningum t.d; fóstur, lirfa, klessa eða eitthvað líffæri......fékk engar undirtektir.
En góðu fréttirnir eru þær að Tyrkinn er fluttur út frá Georg og ég er flutt inn, húrra. Ágætur strákur samt....Georg á örugglega eftir að sakna hans.
Við vorum að skoða skóla í gær á netinu og fundum einn sem Georg líst voða vel á, engar áhyggjur.....við erum ekki búin að ákveða neitt!

Hérna koma nokkur öskudagslög;

Fastelavn
Kan du gætte hvem jeg er?
Kan du gætte hvem jeg er?
For jeg har fået maske på,
misk, mask, maske på,
ka' du gætte hvem jeg er?

Kan du gætte hvem jeg er?
Kan du gætte hvem jeg er?
For jeg har fået næse på,
nis, nas, næse på,
ka' du gætte hvem jeg er?

Kan du gætte hvem jeg er?
Kan du gætte hvem jeg er?
For jeg har fået jakke på,
jik, jak, jakke på,
ka' du gætte hvem jeg er?
osv.

---

Fastelavn er min navn,
boller vil jeg have,
hvis jeg ingen boller får,
laver jeg ballade

Boller op, boller ned,
boller i min mave,
hvis jeg ingen boller får
så laver jeg ballade.

Í góðum félagsskap

http://www.draugamenning.com/

pøj pøj

í fimmta skiptið niður á folkeregisteret í dag.....en þarf að fara aftur, nú vilja þeir fá leigusamning....það er víst einhver tyrki sem býr með okkur. Það mega bara vera tveir skráðir á hverja íbúð og í augnablikinu býr Georg með tyrkja. Afgreiðslukonan vildi endilega skrá okkur á einhverja aðra íbúð "hmmm 117 hún er laus" sagði hún, þegar ég reyndi að útskýra fyrir henni að við búum í annarri íbúð, mótmælti hún og spurði hver þessi tyrki væri þá. Ég hef reyndar ekki tekið eftir honum en hver veit.....Georg er allavega búinn að fá debetkort og pinnnúmer sent á íbúð 117....heppin þau...eða ekki! Ég skil ekkert hvað er að gerast........allavega þurfum að fá leigusamning til að sýna fram á að það býr Í ALVÖRUNNI enginn tyrki hérna.

Mér leiðist...

..en ekki jafn mikið og þessum! Þetta stytti líka stundirnar

og þessar síður eru fyrir fólk sem vill finna nýja tónlist, ég eyði reglulega góðum tíma á þessum síðum:

Myspace, hljómsveitir sem auglýsa sig sjálfar.
Pandora, discover music - skýrir sig sjálft.
Last-FM, útvarp á netinu sviðað og pandora.

Fugla hvað?

Já fyrst voru það hryðjuverk allstaðar og svo núna er fuglaflensan búin að bætast við. Í morgun lásum við það að það hefðu fundist fullt af dauðum fuglum á víðavangi....
Gaman að vera í Danmörku... :-)

Við erum reyndar öllu vön í þessum fuglaflensu málum eftir ferðina til Asíu, svo að þetta angrar okkur ekkert mikið, ef við gátum borðað kjúkling á hverjum degi í Thailandi og Víet-nam þá getum við borðað kjúkling á hverjum degi hér... og hananú!!!
Takk fyrir og góða nótt.

Lokaritgerðin mín

fjallar um drauga í íslenskum þjóðsögum, hressandi ekki satt?
Ég er búin að lesa fullt af draugasögum, sumar eru mjög ógeðfelldar en aðrar bara undarlegar, ein heitir t.d ; Maðurinn sem skar hausinn af kerlingunni og önnur "Fáðu mér beinið mitt, Gunna". Ég rakst líka á þessar sögur, veit ekki alveg hvað eða hvort ég á að skrifa um þær í lokaritgerðinni.......

SKEMMTILEGT ER MYRKRIÐ

Í fyrndinni og allt til vorra daga var það landssiður að vaka yfir líkum og var það oftast gjört við ljós ef nótt var eigi albjört.

Einu sinni dó galdramaður nokkur, forn í skapi og illur viðureignar. Vildu fáir verða til að vaka yfir líki hans. Þó fékkst maður til þess sem var hraustmenni mikið og fullhugi að því skapi.

Fórst honum vel að vaka. Nóttina áður en átti að kistuleggja slokknaði ljósið litlu fyrr en dagur rann. Reis þá líkið upp og mælti: "Skemmtilegt er myrkrið."

Vökumaður svaraði: "Þess nýtur þú ekki." Kvað hann þá stöku þessa:

Alskínandi er nú fold,

út er runnin gríma.

Það var kerti en þú ert mold

og þegiðu einhvern tíma.

Síðan hljóp hann á líkið og braut það á bak aftur. Var það síðan kyrrt það sem eftir var nætur.

(Sk. G. -- eftir Einari Bjarnasyni.)

Vögum, vögum, vögum vér

Á einum kirkjustað bar það til, að andar tveir sáust sitja á
kirkjugarðinum við sálarhliðið. Héldust þeir í hendur og reru svo kveðandi:

Vögum, vögum vögum vér
með vora byrði þunga.
Af er nú, sem áður var
í tíð Sturlunga
og í tíð Sturlunga.

að læra.....

Þetta er svo sannarlega búið að bjarga deginum!!!

Ný myndasíða!!

Við hér í Danmörku erum svo tæknileg að við verðum að hafa margar myndasíður í gangi, vorum að græja eina nýja (sjá í tenglum "Nýja myndasíðan").

Framvegis koma nýjar myndir þar inná.

hef ákveðið að fá mér skilti

sem á stendur "ekki sprengja mig". Ég labbaði 40 mín í skólann í dag í snjókomu og slabbi í staðinn fyrir að taka metroið (sem tekur 5 mín). Sumir gætu haldið að það væri skrítið en mér finnst það fullkomlega eðlilegt miðað við alla geðveikina sem er í fréttunum, sérstaklega þar sem skólinn minn er staðsettur rétt við Nørreport sem er samkvæmt lögreglunni líklegast staðurinn sem verður sprengdur, þar eru lestir, metro og strætó......af nógu að velja.

Annars gekk vel að passa Ólíver (setjum bráðum inn myndir), hann var hress og kátur og fannst bara gaman held ég. Allavega hélt hann tónleika fyrir okkur með pottum og sleifum og kassa og fékk líka aðeins að prófa að tromma á hausinn á mér. Hann fékk líka að smakka snakk, sem honum fannst ekki slæmt og borðaði næstum heilann hamborgara......partý partý.

Úfffff

Það er varla að ég þori að fara í lest, strætó eða fara nálægt stöðum eins og Ráðhústorginu. Allt að sjóða upp úr út af þessum myndum sem birtust í Jyllands posten, úff veit allavega að ég ætla ekki að koma nálægt Nørreport þar sem mesta umferðin er. Það var skoðunkönnunn um daginn þar sem yfir 80% Dana fannst ógnin við hryðjuverk í Kaupmannahöfn hafa aukist til muna. En nóg um það, Erla, Kim og Ólíver gistu í nótt, við keyptum pizzu og leigðum vídjó, gasalega huggulegt.
Í dag og í nótt verðum við og Georg bara tvö með Ólíver, það verður gaman. Ég kann að svæfa hann og gefa honum að borða og Georg kann að skipta á honum og klæða hann í föt. Það verður PAAAARRRTTTTÝÝÝ í kvöld.
Ég held með þessu lagi í Eurovision.......