Gvendur eða Geir?

Stór spurning. Nú eru nákvæmlega 2 vikur í heimkomu og við orðin stressuð og farin að hlakka til. Litli vex og dafnar og verður mannalegri með hverjum deginum. Hjalar alveg fullt og brosir. Honum finnst skemmtilegast að fá að sitja einn og verður stundum mjög móðgaður ef hann er tekinn upp. Hann er alveg ótrúlega forvitinn og það er bara hægt að halda á honum þannig að hann geti skoðað allan heiminn í leiðinni og hann hangir því á öxlinni á mér hálfan daginn. Við erum búin að vera mjög dugleg að fara út að labba með Sindra og Jóhönnu og þeir sofa í vagninum á meðan. Hún kenndi okkur einmitt hárblásara trixið. Ef litli er mjög óvær setjum við hárblásarann í gang og þá róast hann alltaf, veit ekki alveg hvað nágrannarnir halda um okkur.....alltaf að þurrka á okkur hárið.
Meira síðar.