Gleðilegt nýtt ár!!!!

þá er nýtt ár gengið í garð og það gamla liðið.
Við fórum í mat til Ástu og Halla í gær og fengum hamborgarahrygg, nammmi namm. Svo tók við hörku singstar maraþon og söngurinn varð verri og verri þegar að líða tók á kvöldið og keppnisskapið jókst (hmmmmm). Við fórum út og hofðum á flugelda og það voru bara Íslendingar hérna fyrir utan að sprengja upp. Það var svolítið skemmtilegt og þjóðlegt.......annars fannst mér skrítið að vera í svona miklum rólegheitum, vantaði allt stress og alla familíuna, það fannst mér sorglegt.
Erum annars búin að liggja í leti í allan dag, keyptum pizzu á pizzastaðnum sem er hérna og fengum lánaðar dvd myndir hjá Ástu og Halla.
Ætlum að fara á morgun að stússast, skrá okkur í kerfið hérna í Danmörku, fá okkur bankareikning, leita að vinnu fyrir Georg og kíkja upp í skólann minn, er ekki enn búin að komast að þvi hvenær hann byrjar og hvernig stundataflan er o.s.frv.

Annars bara, gleðilegt nýtt ár og takk fyrir það gamla.